好嘅產品設計除咗為生活帶來美感,更重要係能夠解決用家不同需要, 最近 #DIP 多間設計公司憑著傑出嘅產品設計,獲得由 Hong Kong Smart Design Awards 香港智營設計大賞 舉辦嘅「香港智營設計大賞2021」多個獎項, 大大展現香港本地創作嘅多元性,恭喜以下嘅得獎公司:
- Ddiin -「辦公室用品與文具 - 金獎 : Exlicon 多功能橢圓形圓規 」
#EXLICON 為咗幫助設計師簡單咁畫出理想中黃金比例嘅圓形,貼心提供自由組裝組合,大大提升設計作品嘅效率度同完美性。
- Wholly Wholly -「家居佈置及植物護理 - 金獎: Recraft Number 2」
#WhollyWholly 啟發於香港傳統嘅紅A紅燈罩,將燈罩打造成極簡而富未來感嘅台燈,可配合智能燈膽調節色溫,融入唔同嘅家居裝飾之餘,更保留文化價值。
- HA! Design Studio Ltd -「傳統玩具及遊戲 - 銀獎 : 音樂達人」
#HADesignStudio 希望小朋友可利用遊戲來認識音樂,所以將音樂嘅元素放喺呢個桌上遊戲上,小朋友可以將唔同嘅音符組合放喺五線譜,創作同拼合出獨特嘅樂曲。
- Asteria Games -「傳統玩具及遊戲 - 銅獎 : 既視感:記憶的碎片」
呢款桌上遊戲並唔係一款簡單嘅遊戲,而係將發人深省嘅遊戲故事,深度融合喺玩法裏面,透過精緻嘅配件設計帶俾玩家身如其境嘅體驗。
- KnitWarm -「個人配襯禮品 - 銅獎 : 織暖小頸巾」
為咗方便大眾隨時隨地保暖,#knitwarmhk 運用織暖專利技術,提供智能柔溫,設計細小輕便携帶,更能以手機應用程式來調節溫度。
- OOA 東西建築
「電子及科技玩具 - 銅獎 : 列印觀塘」
呢個戶外實時互動藝術裝置係 #OOA 用創新嘅意念來追溯觀塘獨有嘅印刷文化,成個設計代表著一部實時巨型列印機,紀念褪色的印刷工業,所以以柯式印刷嘅四種原色「列印」出參與者嘅剪影。
「家居佈置及植物護理 - 優異獎 : OO BLOCK」
#OOA 希望以最簡單嘅方式來表達字母同字詞,所以創作呢個可觸摸得到、並由陰影與光線塑造而成嘅字母塊,命名為Orient Occident Block(東西木塊)。